Ish-kryeministri serb Zoran Zhivkoviç tha sot se zëvendësimi i targave “KS” neutrale ndaj statusit në Veri të Kosovës është “pjesë e një marrëveshjeje” që Aleksandar Vuçiç nënshkroi me shqiptarët e Kosovës pesë vjet më parë dhe se gjithçka që po ndodh tani janë “pasojat e politikave të Vuçiçit”.
Sipas Zhivkovic, gjithçka që po ndodh aktualisht është “pasojë e veprimeve të Vuçiqit”, shkruan mediumi serb klix.ba, transmeton arbresh.info.
Politikani serb tutje ka thënë se është dashur që të kalojnë pesë vite që Vuçiq ta kuptojë se ajo çfarë kishte nënshkruar ka qenë gabim dhe se “është vetëm faji i tij”.
“Prandaj ata tashmë po përpiqen ta luajnë shpëtimtarin e serbëve”, ka thënë tutje për Danas.
Nga dita e djeshme Republika e Kosovës ka filluar implementimin e reciprocietetit të targave. Makinat me targa të Serbisë do të mund të futen në Kosovë vetëm pasi të kenë hequr ato serbe dhe të kenë vendosur tabelat provuese të Republikës së Kosovës.
Një vendim i tillë ka nxitur tensione derisa kemi parë reagime nga BE dhe Ambasada e SHBA’së, që kanë bërë thirrje të mos merren vendime të tjera të njëanshme./arbresh.info/
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...